Ginbuyagyag sang Oklahoma City Thunder nga ang guard nga si Nikola Topic ang na-diagnose nga may testicular cancer kag subong nagapaidalom sa chemotherapy.
Suno sa general manager nga si Sam Presti, ginkumpirma sang mga doctor ang long-term outlook sang 20-anyos nga player.
Ginsiling naman sang coach sini nga si Mark Daigneault nga yara na sa maayo nga sitwasyon si Topic kag padayon nga naga-training kag naga-join sa mga aktibidad sang team.
Si Topic ang ginalauman nga mangin importante nga kabahin sang Thunder matapos sila nagdaog sang NBA title sang nagligad nga season.
Napilitan siya nga indi makahampang sang bilog nga 2024-2025 season bangud sa ACL injury, apang matandaan nga nakita siya sa summer league sa isa ka preseason game batok sa Charlotte.
Ginsambit man ni Daigneault nga handa ang mga kampo ni Tpic nga maghatag sang suporta sa iya.
