Ginpatungan sang Iloilo Police Provincial Office (IPPO) ang ulo sang Drug Lord nga si Richard Prevendido nga No. 1 Drug Lord sa Western Visayas.
Sunu kay IPPO Director Police Senior Supt Harold Tuzon, nakabaton sila sang impormasyon nga nagapanago si Prevendido sa isa sa mga banwa sa Probinsya sang Iloilo.
Gani ini ang rason sa iya pagpagwa sang mando apisar nga pumuluyo sang Syudad sang Iloilo si Prevendido.
Ginpanugyanan man sini si Prevendido nga mag surrender na lang agud wala na sang malain nga matabo sa iya.
Sa subong sunu kay Tuzon, nagbaylo na sang imahe si Prevendido agud indi madali nga makilala.
Magahatag naman sang padya ang IPPO sa makadakop kay Prevendido.
Nahibaluan nga si Prevendido ang utod ni Punong Brgy Remia Prevendido Gregori sang Barangay Bakhaw Mandurriao nga kilala nga pugad sang mga durugista.