ILOILO CITY – Katumanan sang handum para kay Pjeeco Bagasbas ang mangin no. 4 sa 2018 Nursing Licensure Examination.
Sa interview sang Bombo Radyo, ginpahayag ni Bagasbas nga iya gid handum nga mangin kabahin sang Top 10 sang amo nga pasinawan.
Ginpangamuyo niya ini kag sang iya pamilya suno kay Bagasbas nga graduate sang West Visayas State University (WVSU).
Sa karon suno kay Bagasbas, overwhelmed siya gihapon sa naangkon nga kadalag-an.
Pagtutom kag dedikasyon ang sikreto ni Bagasbas agud nga mangin kabahin sang Top 10.
Plano naman ni Bagasbas nga mag-volunteer anay sa ospital karon nga isa na ini ka registered nurse.