ILOILO CITY – Liwat nga ginapatuman ang ‘no facemask, no entry’ policy sa Iloilo City Hall.
Ini ang kasunod sang liwat nga pagsaka sang kaso sang Coronavirus Disease 2019 sa syudad.
Sa interview sang Bombo Radyo kay Iloilo City Mayor Jerry Treñas, iya ginpahayag nga ginpatuman ang polisa agud nga mahatagan sang proteksiyon ang mga empleyado kag ang mga may transaction sa City Hall.
Suno sa iya, ginapasigurado lamang sang local government nga padayon ang serbisyo sang syudad.
Ginklaro sang alkalde nga sa gwa sang City Hall, mahimo nga indi magsuksok sang face mask ang mga empleyado.
Kung madumduman, bag-o gid lamang kabalik si Treñas sa trabaho matapos nga na-admit sa ospital bangud nga nagpositibo sa Coronavirus Disease 2019.
