ILOILO CITY – Suportado sang mga transport group ang No Face Shield, No Ride Policy sang Department of Transportation.
Sa interview sang Bombo Radyo kay Mr. Boyet Parcon, presidente sang Iloilo City Loop Alliance of Jeepney Owners and Drivers Association (ICLAJODA), iya ginpahayag magapatigayon pa sila sang pagsinapol tuhoy diri.
Suno kay Parcon, naintindihan man nila nga para sa kaayuhan sang pasahero kag mga driver ang nasambit nga rekomendasyon sang Department of Transportation.
Apang suno kay Parcon, ang ila lang nga gina problema amo ang may mga antipara sa diin mabudlay sa ila nga magbutang sang face shield.
Nahibaluan nga mangin epektibo ang No Face Shield, No Ride Policy sa Agusto 15, 2020.
