ILOILO CITY–Ginatun-an na sang Philippine National Police (PNP)  ang solusyon agud matapna ang pagpamatay sang riding-in-tandem sa syudad sang Iloilo.
Suno kay P/Supt. Jonathan Pablito, hepe sang Police Station 1, iduso niya sa Iloilo City Council ang pagdihon sang ordinansa nga magadumili sa mga motorcycle rider nga magsuksok sang helmet ukon bisan ano nga tabon sa ulo kag nawong,  pag-istrikto sa pagdumili sa mga motorsiklo nga wala sang plaka kag pagpatuman sang speed limit.
Ginhalimbawa pa ni Pablito ang kaangay nga ordinansa nga ginapatuman sa Laoag City kag ginakabig isa sa mga best practices sang syudad sa pagtapna sa kaangay nga krimen.
Suno pa kay Pablito, kun may kasubong nga ordinansa sa syudad sang Iloilo, mas matahap ang mga kriminal nga maghimo sang krimen ilabi na ang mga riding-in-tandem.