ILOILO CITY – Liwat nga ginbuhi sa Don Esteban, Lapuz, Iloilo City ang “No Helmet Policy” agud nga madali nga makilala ang suspek sa tion nga may krimen nga matabo.
Sa interview sang Bombo Radyo kay Barangay Kagawad Elfren Cenayo, iya ginpahayag nga indi halit sa mga motorista ang pagpatuman sang “No Helmet Policy”.
Gin-athag ni Cenayo nga indi kinahanglan nga kuhaon sang motorista ang suksok nga helmet sa baylo, kinahanglan lang nga buksan ang visor sang helmet, para naman sa mga naka half-face helmet, kinahanglan nga kuhaon ang suksok nga face mask kag ginadumili-an man ang pagsuksok sang sun glasses.
Ginpahayag ni Cenayo nga mangin wala sang pulos ang footage sang Closed Circuit Television Camera kun indi man lang kitaon ang nawong sang suspek.
