ILOILO CITY – Nagpahanumdom COVID-19 Team sang Iloilo City Government sa mga accommodation establishments kaangay sang lodging houses, inns, pension house kag motels nga hugot nga ipatuman ang pag fill-up sa logbook sa pagsulod sang mga guest sa pagsaulog sang Valentines day.
Sa interview sang Bombo Radyo kay Mr. Jeck Conlu, spokesperson sang COVID-19 Team sang syudad, iya ginpahayag nga katuyuan sini ang pagpatigayon sang contact tracing para sa seguridad sang tanan batok sa COVID-19.
Apisar sini, nagpanugyan man ang natungdan sa mga ‘lovers’ ukon magkahagugma nga kun mahimo, ‘no sweet’ lang anay subong nga Pebrero 14 kag magselebrar nalang sa sulod sang balay kaupod ang pamilya.
Nagpanawagan man siya sa mga ginikanan nga i-monitor ang menor de edad nga mga kabataan sa adlaw sang Valentines.
