Nagapakitluoy ang pinakadako nga business group sa Pilipinas saCOVID-19 Inter-Agency Task Force for the Management of Emerging Infectious Diseases (IATF) nga untatan na ang pagpatuman sang lockdown.
Nagalaum si Philippine Chamber of Commerce and Industry (PCCI) acting president Edgardo Lacson nga mas mapadasig pa sang IATF ang vaccination program agud nga malab-ot ang herd immunity.
Apang kun mapaslawan man ang IATF nga ma-meet ang target dates tungod sa mga indi kontrolado nga hitabo, nagaapelar ang PCCI kay Sec. Carlito Galvez Jr. nga kakason na ang lockdown nga ginalantaw sang gobyerno nga isa sa mga pamaagi nga marespondehan ang pandemya.
Dugang pa sang business group, nagatuga sang kapigaduhon, kagutom kag pagsaka pa sang unemployment ang lockdown nga nangin resulta sang pag-agunto sang mga tawo, pagpakitluoy, pagpangutang kag paghulat sang ayuda.
