𝗜𝗟𝗢𝗜𝗟𝗢 𝗖𝗜𝗧𝗬 — Wala nagduha-duha nga gin-atubang sang No to Jeepney Phaseout Coalition kag pila ka mga transport cooperatives ang Land Transportation Office (LTO), Land Transportation Franchising and Regulatory Board (LTFRB) Region VI, kag Department of Transportation (DOTr).
Sa interview sang Bombo Radyo kay Mr. Elmer Forro, lead convenor sang No to Jeepney Phaseout Coalition, iya ginpahayag nga may apat sila ka mga punto nga ginbato sa mga nasambit nga talatapan, sa diin, tatlo diri ang nahatagan sang kahigayonan nga masabat.
Suno kay Forro, lakip sa mga nasabat amo ang endorsement sa national office tuhoy sa pagbasura sang compulsory consolidation sang mga Public Utility Vehicle (PUV).
Ginpahayag man ni Forro nga ang ila nga tinutuyo nga buhaton sang talatapan amo ang matiglawas ang ila ginapakigbato nga untaton ang mandatory consolidation.
Gin-abi-abi man sang natungdan ang pahayag sang LTFRB nga luyag man nila nga i-endorse sang ila ginaduso, sa diin, nagpasalig ini nga magahatag sang kopya kun matigayon na nga mapasa.
Ginkalipay man ni Forro ang pahayag sang nasambit nga talatapan nga sa subong, indi pa sila pag-ikonsodera bilang colorum.
