ILOILO — Nagapati ang No to Jeepney Phaseout Coaliton Panay nga indi pa kinahanglan sang mga unconsolidated jeepney operators and drivers ang livelihood program nga ginatanyag sang gobyerno.
Sa interview sang Bombo Radyo kay Elmer Forro, lead convenor sang No to Jeepney Phaseout Coaliton Panay, iya ginpahayag nga mas kinahanglan sang mga operators ang suporta sang gobyerno sa indi anay pagpatuman sang mandatory consolidation.
Suno kay Forro, ang ginaduso nga mandatory consolidation ang magadugang lamang sang mga unemployed nga mga Filipino sa pungsod.
Ginpahayag man sini nga posible man makatuga ang tikang sang mas malala nga krisis sa unemployment rate sang Pilipinas.
Nagapati naman ang natungdan nga indi isa ka praktikal nga solusyon ang pagtanyag sang gobyerno sang scholarship sa mga driver agud makatuon sang iban nga palangabuhian.
Nahibaluan nga kapin 10,000 ka mga jeepney drivers sa Iloilo ang nadulaan sang palangabuhian bangud sa Public Utility Vehicle (PUV) modernization.
