Magasugod na subong nga adlaw, Hunyo 15, ang implementasyon sang Beijing sang bag-o sini nga regulasyon kun sa diin ginhatagan sang otoridad ang China Coast Guard (CCG) nga i-detain ang kutob sa mga foreigners nga magasulod sa ila teritoryo.
Sa idalom sang “No Trespassing” policy sang China, mahimo ma-detain sang tubtub sa 60 ka adlaw ang madakpan nga trespasser kag indi na pag-ipaidalom sa trial.
Bangud gina-claim sang China pati ang West Philippine Sea nga sakop na sang teritoryo sang Pilipinas amo man ang kadagatan nga gina-claim na sang Vietnam, Malaysia kag Brunei, madamo nga manugpangisda ang ginalantaw nga maapektuhan sa sini nga regulasyon kabahin na ang mga Pinoy.
Apisar sini, ang Philippine Navy kaupod sa Philippine Coast Guard (PCG) kag Bureau of Fisheries and Aquatic Resources (BFAR) ang nagpasangkad pa sang ila nga presensya sa West Philippine Sea.
Suno kay Armed Forces of the Philippines (AFP) Public Affairs Office chief Col. Xerxes Trinidad, padayon nga magapatigayon ang military sang maritime patrols sa sulod sang hurisdiksyon sang Pilipinas.
Suno naman kay military chief of staff General Romeo Brawner Jr.,mahimo gihapon makapadayon sa pagpangisda ang mga Pinoy sa traditional fishing grounds.
Indi dapat magkahadlok suno kay Brawner sa paghimo sang normal nga mga aktibidad bangud sulod ini sa exclusive economic zone sang Pilipinas, kag indi man magpabaya ang AFP, Navy, kag PCG.
“So tayo naman sa Armed Forces of the Philippines we have made some preparations. Kasama natin dito ang Philippine Coast Guard, Philippine National Police, BFAR, and the other agencies who are concerned also,” pahayag ni Brawner. “So kasama rin natin dito yung hindi lang tayo na nasa uniformed services but also the other government agencies and especially yung mga mismong mangingisda natin because sila ang apektado, tayong lahat apektado by this. So we really have to work together.”
Sa official statement naman sang military, kabahin sang nakasaad: “China’s so-called anti-trespassing policy undermines the rule of law and international norms that govern maritime conduct. The presence and actions of its vessels in our waters are illegal, coercive, aggressive, and deceptive. We will continue our maritime patrols in areas within the Philippines’ jurisdiction.#
