MANILA- Posible nga pahanugutan sang gobyerno ang pagpatigayon sang non-contact sports kaangay sang tennis, table tennis kag golf sa tion nga pahalugan na ang quarantine restrictions sa iban nga bahin sang pungsod.
Suno kay Department of Trade and Industry Secretary Ramon Lopez, posible nga pahanugutan nga magbukas ang pila ka fitness facilities bilang paghatag sang importansya sa pisikal nga aktibidad.
Ginpahayag ni Lopez nga naistoryahan na sang Inter-Agency Task Force ang tuhoy diri.
Ginpahayag ni Lopez nga pahanugutan man nga magbukas ang fitness establishments kaangay sang gym apang kinahanglan nga magpatuman sang nagakaigo nga safety measures kaangay sang paggamit sang facemask kag gloves.
Indi man sa gihapon pagpahanugutan ang contact sports kaangay sang basketball, volleyball kag combat sports agud malikawan ang paglapta sang Coronavirus Disease 2019 (COVID-19).
