ILOILO CITY – Handa nga magbayad ang 420 ka mga non-eligible social pensioner nga nakabaton sang social pension gikan sa City Social Welfare and Development Office (CSWDO).
Ini ang kasunod sang mandu sang Department of Social Welfare and Development (DSWD) 6 nga ibalik ang P1.8 million nga social pension kasunod sang ginpatigayon nga findings sang Commission on Audit (COA).
Sa interview sang Bombo Radyo kay Cherry Lyn Bermejo, focal person sang CSWDO, iya ginpahayag nga makatatlo na sila ka beses nga nagpatigayon sang community assembly sa syudad sang Iloilo sa diin ginhisugtan sang mga senior citizen nga ibalik na lang ang ila nabaton nga ayuda.
Ginpahayag ni Bermejo nga ang pagpatigayon sang community assembly ang nag-umpisa sang Hunyo 3 kag magatapos sa Hunyo 11.
Sa pagsinapol, ginkasugtan sang mga non-eligible social pensioner nga bayaran sang amat-amat ang ila nakuha nga social pension.
