Posible nga nagaplano ang North Korea nga magpatigayon sang nuclear test samtang masako man ang Estados Unidos sang Amerika sa ila nga presidential elections sa Nobyembre.
Ginpahayag ini ni South Korean Defense Minister Shin Won-sik kasunod man sang kumpirmasyon nga natapos na sang Pyongyang ang ila nga preparasyon kag i-conduct na gid lamang ang test kun nakahimo na sila sang desisyon.
Suno kay Shin, mahimo nga idungan gid ini sang North sa US elections para makapadayaw-dayaw ukon mapakita nila ang ila control.
Ini nga paandam sang Seoul ang kasunod man sa nagasaka nga tension sa tunga sang North kag mga kaalyado sang South Korea, Japan kag United States.
Nahibaluan nga padayon ang pagpasangkad ni North Korean leader Kim Jong Un sa nuclear arsenal sang pungsod kag ginalaslasan man ini ang nagadalom man nga kooperasyon sa tunga sang ila mga kasumpong.
Sang sini lang nga weekend, may report nga yara ang South Korean defense minister sa Tokyo agud pirmahan ang kasugtanan kaupod sa U.S. kag Japan para sa ila security cooperation lakip na ang joint military training.
