Ginpaidalom na sa Wind Signal no. 1 ang pila ka mga banwa sa probinsya sang Iloilo bangud sa Severe Tropical Storm Uwan nga yara pa subong sa guwa sang Philippine Area of Responsibility (PAR).
Sa alas singko sa hapon nga bulletin sang state weather bureau subong nga Nobyembre 7, nabatak ang Wind Signal no. 1 sa northeastern portion sang Iloilo lakip ang Carles, Estancia, Balasan, San Dionisio, Concepcion, Batad, Sara, kag Ajuy.
Nalakip man pila pa ka areas sa Western Visayas nga amo ang northeastern portion sang Capiz (President Roxas, Pilar, Panay, Pontevedra).
Yari ang iban pa nga lugar nga napaidalom sa Signal no. 1:
Luzon:
The southeastern portion of Quezon (Tagkawayan, Guinayangan, Calauag, Lopez, Buenavista, Catanauan, Mulanay, San Narciso, San Andres, San Francisco), the eastern portion of Romblon (Cajidiocan, San Fernando, Magdiwang), Camarines Norte, Camarines Sur, Catanduanes, Albay, Sorsogon, and Masbate
Visayas:
Northern Samar, Eastern Samar, Samar, Biliran, Leyte, Southern Leyte, the northern and central portions of Cebu (Medellin, Daanbantayan, City of Bogo, Tabogon, San Remigio, Tabuelan, Borbon, Sogod, Tuburan, Catmon, Carmen, Danao City, Compostela, Liloan, Consolacion, Lapu-Lapu City, Mandaue City, Cordova, Asturias, Cebu City, Balamban, City of Talisay, Toledo City, Minglanilla) including Bantayan and Camotes Islands, the northeastern portion of Bohol (Getafe, Talibon, Buenavista, Trinidad, San Miguel, Ubay, Alicia, Mabini, Bien Unido, Pres. Carlos P. Garcia), the northern portion of Negros Occidental (City of Escalante, Toboso, Sagay City, Cadiz City, Calatrava, Manapla)
Mindanao:
Dinagat Islands and Surigao del Norte
Suno sa weather bureau, may warning lead time nga 36 oras. Ang range sang wind speeds amo ang 39 tubtub 61 km/h (Beaufort 6 to 7).
Bisan sa guwa pa sang PAR ang bagyo, opisyal na ini nga ginhatagan sang local name nga Uwan bangud sang ginpaguwa sang PAGASA nga wind signals.
Ulihi nakit-an ang mata sang bagyo sa kalayuon nga 1,175 km nasidlangan sang Eastern Visayas. Dala sini ang kabaskugon sang hangin nga 110 km/h malapit sa sentro kag pagmadlos nga tubtub sa 135 km/h. Nagahulag ini sa direksyon nga pa-nakatundan sa kadasigon nga 25 km/h.
Sa track forecast, ini nga bagyo ang magasulod sa PAR karon sa gab-i ukon sa buwas sa kaagahon.
Gina-forecast sang Philippine Atmospheric, Geophysical and Astronomical Services Administration (PAGASA) nga maga-landfall ini sa southern portion sang Isabela ukon sa northern portion sang Aurora sa Domingo sang gab-i ukon sa Lunes sang kaagahon.
Pagkatapos sang landfall, magaagi si Uwan sa kabukiran sang Northern Luzon kag magatuhaw sa West Philippine Sea sa Lunes sang aga ukon sa hapon.
Sa bahin sang kabaskugon sini, gina-forecast nga mas magabaskog ini kag magadangat sa typhoon category sa masunod nga 24 oras kag super typhoon category buwas sa gab-i ukon sa Domingo sa aga.
Posible man ini nga mag-landfall kun yara na ukon malapit na sa peak lifetime intensity.
Base pa sa PAGASA, ang paglabay sini sa Luzon ang makapahina sa pwersa sini, apang ginalantaw nga magapabilin bilang typhoon samtang yari ini sa Pilipinas.
Si Uwan amo ang ika-duha nga bagyo sa PAR subong nga Nobyembre kasunod sang paglaslas ni Tino.
