Gintay-og sang 7.0-magnitude nga linog ang Northern California 10:44 a.m. local time sang Huwebes (Biyernes sang kaagahon oras sa Pilipinas).
Base sa United States Geological Survey, una nga na-record ang magnitude 6.6 apang gin-revise ini pila ka minutos lang ang nakaligad.
Suno pa sa ahensya, na-rekord ang epicenter sa 10 miles southwest sang Scotia sa Humboldt County.
Natabo ini nga linog kasunod sang una naman nabatyagan nga pagtay-og sa amo man nga area sang Mierkules nga naka-rehistro sang magnitudes nga 4.2 kag 4.4 apang wala sang una napaguwa nga trigger alerts.
Santo sa reports, nabatyagan ang pagtay-og sini nga Huwebes pati sa San Francisco Bay Area kag gilayon nga may ginpaguwa nga tsunami warnings sa coast.
Ginpadala ang mergency notifications paagi sa smartphones kun sa diin gin-abisuhan ang mga apektado nga residente nga magsaylo sa mas mataas nga lugar bangud sa posible delikado nga mga sitwasyon malapit sa baybayon: “A series of powerful waves and strong currents may impact coasts near you. You are in danger. Get away from coastal waters.”
Sakop sang tsunami warning ang coastal areas sang California kag Oregon halin Davenport, 10 miles northwest sang Santa Cruz, pakadto sa Douglas/Lane Line, Oregon 10 miles southwest sang Oregon.
Wala sang na-report nga damage as of press time.#
