Nagapabilin gihapon ang problema sang oversupply sang tuloy sa norte nga bahin sang Iloilo particular na sa Concepcion.
Sa interview sang Bombo Radyo kay Bureau of Fisheries and Aquatic Resource Region 6 Director Remia Aparri, iya ginpahayag nga masami nga nagakatabo ang pagdagsa sang tuloy humalin sa Mayo tubtob Septyembre kag ini nga bulan gid ang peak sini.
Suno kay Aparri, mayor nga rason sang pagdamo sang populasyon sang tuloy amo ang habagat kun sa diin nagakatabo ang concentration sang pagkaon sang mga isda rason nga nagadoble man ang ila kadamuon.
Ginpahayag niya nga bangud sa oversupply, nagakapilitan ang mga manugpangisda nga ibaligya ini sa tuman ka barato nga presyo nga P50 tubtob P100 kada banyera.
Suno kay Aparri, may yara man sang post- harvest support facilities sa mga fishports apang indi sini masarangan ang kadamuon sang isda.
Dugang niya, kun dugangan man ang amo nga pasilidad, kinahanglan sa gihapon tun-an ini sang maayo ilabi na nga seasonal lang ang pagdagsa sang tuloy
