ILOILO CITY – Patay ang ginakabig high value target matapos magbato sa mga pulis sa buy bust operation sa Anini-y, Antique.
Ang biktima ginkilala kay Jeremy Garcia, residente sang Barangay Liso-B, Anini-y, Antique.
Magluwas nga high value target, ginakabig man nga notoryus drug pusher sa ila lugar si Garcia.
Sa buy-bust operation sang gintingob nga puwersa sang Philippine Drug Enforcement Agency (PDEA), Antique Provincial Police Office kag Anini-y police, nabaklan si Garcia sang shabu nga nagabalor P1,000.
Apang nakasat-um ini nga mga otoridad ang iya katransaksyon kag naggabot sang armas rason nga ini ang ginluthang sang mga pulis.
Nakuha gikan kay Garcia ang pila ka sachet sang shabu, caliber .38 revolver kag motorsiklo nga wala sang plaka.