ILOILO CITY – Balantayan subong nga adlaw kun bala makuha sang Serbian top seed nga si Novak Djokovic ang ika-walo nga kadalag-an sa Wimbledon.
Subong nga adlaw, atubangon ni Djokovic ang Australian tennis player nga si Nick Kyrgios sa finals sang Wimbledon.
Disbentaha para kay Djokovic ang amo nga hampang bangud nga nakapahuway sang malawig si Kyrgios matapos nga nag-isol ang Spanish player nga si Rafael Nadal bangud sang abdominal injury.
Sa ulihi nga hampang ni Djokovic, wala nangin mahapos ang paglutos sini batuk sa iya British opponent nga si Cameron Norrie.
Sa tion nga magdaog ang Serbian player, malab-ot niya ang 21 Grand Slam titles kag malapawan ang record ni Roger Federer kag ni Rafael Nadal kag siya ang kabigun nga greatest of all time.
Ang 27 anyos nga si Kyrgios naman ang magahampang para sa iya una nga Grand Slam final apang may yara sang 2-0 winning record batuk kay Djokovic.
Si Djokovic ang sa karon, yara sa ikatatlo nga pwesto sa ATP singles ranking samtang si Kyrgios naman ang yara sa ika-40 nga pwesto.
Una na nga ginpahayag sang ATP nga ang resulta sang Wimbledon 2022 ang indi maka-apekto sa ranking sini.
Ang number 1 nga Russian player nga si Daniil Medvedev ang wala nakahampang bangud sa pagdumili sang All England Club bilang kabahin sang sanction sa Russia sa pag-atake sini sa Ukraine.
Ang latest nga update sa Wimbledon Championships 2022 ang bantayan lang diri sa Bombo Radyo Iloilo.
