ILOILO CITY–Gin-ako sang New People’s Army (NPA) nga sila ang nagapanag-iya ang M16 armalite kag AK47 nga nakuha sa Brgy. Agcarope, Janiuay, Iloilo.
Sa interview sang Bombo Radyo, ginpahayag ni Joery Guerrero, taghambal sang NPA Central Panay-Jose Perseval Estocada Jr. Command, nga ang mga nakuha nga mga armas ang ila nga nabilin matapos ang natabo nga engkwentro sa tropa sang gobyerno.
Samtang, ginlaslasan man sang rebelde si Lt. Col. Sisenando Magbalot, commanding officer sang 61st Infantry Batallion sang Philippine Army kag gintawag nga butigon.
Gin-athag man ni Guerrero nga ang mga militar ang una nga nagpalupok sa ila apisar madamo sang mga sibilyan.