ILOILO – Wala nagapang-recruit sang minor de edad ang New People’s Army.
Sa interview sang Bombo Radyo kay Gabriela Tubungbanua, political information officer sang Napoleon Tumagtang Command sang New People’s Army, iya ginpahayag nga indi matuod nga nagapang recruit sila sang minor de edad santo sa pagsulundan sang ila grupo.
Suno kay Tubungbanua, ang mga pamatan-on ang boluntaryo nga nagapakigbahin sa ila grupo kag ila nga ginahanas sa pagpamulong kag indi sa pagpakig-away.
Ginpahayag ni Tubungbanua, kalabanan sa mga pamatan-on nga nagasulod sa ila grupo ang nagahandum nga mangin medical practitioner apang wala sang ikasarang sa pag-eskwela sa medical school.
Lakip sa guidelines nga ila ginasunod amo nga dapat nga ang pamatan-on ang naga-edad sang 18 anyos, may maayo nga ikaayong lawas kag yara sa husto nga paminsaron.
Nagpamalibad naman nga maghatag sang pahayag ang natungdan tuhoy sa ginapoahayag minor de edad nga nasapwan-patay sa Brgy. Ongyod sa banwa sang Miag-ao matapos ang engkwentro sa tunga sang militar kag sang Suyak Platoon Komiteng Rehiyon Panay.
