NPA kag militar, padayon ang bakbakan; brgy. tanod pilason sa sniper fire sang NPA

ILOILO CITY – Nakordon na sang militar ang ginapahamtangan sang New People’s Army, sa nagapadayon nga engkuwentro sa tunga sang 61st Infantry Battalion sang Philippine Army kag rebelde nga New People’s Army (NPA) sa Barangay Lampaya, Leon, Iloilo.
Nagalab-ot na sa anom ka oras ang bakbakan apang indi pa maklaro kun may casualties sa magtimbang nga bahin.
Naghatag naman sang aerial support ang Philippine Air Force paagi sa pagpalupd sang ila mga choppers.
Ginkanselar ang mga klase as banwa sang Leon kag kaiping nga Alimodian bangud sa engkuwentro sa kahangawa nga maulamid ang mga estudyante.
Kritikal naman ang anay miyembro sang Citizen Armed Forces Geographical Unit (CAFGU) kag karon barangay tanod, matapos masalabat sang bala sang sniper sang NPA.
Sa exclusive interview sang Bombo Radyo Iloilo sa biktima nga si Romeo Cabalong sang nasambit nga lugar, ginpahayag sini nga nagabantay ini sa tanod outpost sang matabo ang engkuwentro.
Nakibot na lang ini sang naigo sang bala sang sniper sang NPA sa iya abaga kag gilayon ini nadulaan sang pangalibutan.
Ginpanugyanan naman ni Lt. Col. Sisenando Magbalot Jr., commanding officer sang 61st IB ang publiko nga mangin vigilante kag indi magguwa sa ila mga pamalay.