ILOILO CITY- Ginkumpirmar sang 3rd ID Philippine Army nga mag-iloy ang duha ka ginapatihan nga miembro sang New People’s Army (NPA) nga nadakpan sa Barangay Cahigon, Calinog, Iloilo.
Ini amo sanday Lilibeth, 49 kag Nelson Gimong Jr., 28 nga lunsay residente sang Barangay Caratagan, Calinog.
Una nga nakabaton sang impormasyon ang otoridad nga may presensiya sang rebelde sa nasambit nga lugar gani nagpatigayon ang mga ini sang operasyon.
Nakita ang duha ka nagaangkasanay sa motorsiklo kag nagtuyo pa nga magpalagyo apang natigayon nga malagas sang otoridad.
Narekober sa mag- iloy ang homemade M16 rifle, duha ka rifle grenades, isa ka hand grenade, tatlo ka bala sang M16, assorted medical supplies, cellphone, kag mga ID.
Nahibaluan nga may pending nga warrant of arrest si Nelson sa kaso nga attempted murder.
