ILOILO CITY – Ginatudlo sang Philippine Army ang New People’s Army (NPA) nga sa likod sang pagpalapta sang mga sala nga mensahe may kaangtanan sa ginapahayag presensiya sang Maute group sa Panay island.
Sa interview sang Bombo Radyo, ginpahayag ni Lt. Col. Vener Morga, commanding officer sang 82nd Infantry Batallion sang Philippine Army, ang nagalinapta sa social media kag text messages nga mga sala nga impormasyon, ang ginahimo lang sang mga tawo nga gusto magpamintaha.
Ginatudlo sini nga posible may kahimuan amu ang CPP-NPA kag National Democratic Front (NDF), sa diin samtang naga-ginamo sa Mindanao bangud sa Maute group, nagahimo man ang mga ini sang kalakasan sa iban nga bahin sang pungsod agud nga ma-divert ang atensyon sang mga otoridad.
Nagapamatuod ini suno kay Morga sang tactical alliance sang terror group kag sang CPP-NPA agud nga makatuga sang destabilisasyon kag kakugmat sa mga pumuluyo.
Ginapasiguro naman ni Morga nga wala sang dapat nga kahangaw-an ang publiko kag indi man makadali-dali sulod ang Maute group sa Panay kun wala ini sang may masiguro nga grupo nga magasuporta sa ila.