CALINOG, ILOILO – Wala sa gihapon natumod ang identity sang rebelde nga napatay sa engkwentro sa tunga sang 12th Infantry Battalion kag New People’s Army sa Brgy. Aglonok, Calinog, Iloilo.
Sa interview sang Bombo Radyo Iloilo kay Lt Col J-Jay Javines, spokesperson sang 3rd Infantry Division, Philippine Army, iya ginpahayag nga naengkwentro sang mga soldado ang 15 ka mga rebelde sa diin nalakip ang napatay.
Suno kay Javines, ginreklamo sang mga residente ang ginahimo nga extortion sang mga rebelde sa lugar rason nga nagpatigayon sang operasyon ang military sa lugar.
Naglawig naman sang 15 minutos ang engkwentro ng nagresulta man sang pagkapilas sang nawala nga mata sang isa ka soldado nga sa subong yara naman sa mayo nga kondisyon.
Matapos ang engkwentro, nakuha naman sa encounter site ang mga matag-as nga kalibre sang mga armas, mga bala, granada, gadgets kag iban pa nga mga kagamitan.
