Ginkumpirma sang spokesperson sang 3rd Infantry Division sang Philippine Army, nga nagdangat na sa 10 ang numero sang myembro sang New People’s Army (NPA) nga napatay sa engkwentro sa tunga sang militar sa Barangay Trinidad Guihulngan City, Negros Oriental.
Sa exclusive interview sang Bombo Radyo kay Major Cenon Pancito III, iya ginpahayag nga ang nasambit nga 10 ka NPA ang wala pa sa gihapon matumod sa subong kag wala man sang pamilya nga nagclaim sa mga bangkay sang ginapahayag mga rebelde.
Suno kay Pancito, ang dugang nga duha ka bangkay sang NPA ang ulihi nga nasapwan sang ila tropa sa nasambit nga engkwentro.
Ginpahayag ni Pancito nga yara naman sa ila paghinakop ang pila ka mga gina-alegar myembro sang communist-terrorist groups (CTG).
Gin-ako sang natungdan nga may yara na sila sang suspected nga mga pangalan sang 10 ka NPA nga napatay sa engkwentro, apang indi pa nila madivulge kun indi pa matul-id kag mapat-od ang matuod nga identity sang mga rebelde.
Matandaan nga Marso 23, sang naengkwentro sang 62nd Infantry Battalion ang kapin 40 ka mga myembro sang NPA sa diin nagdugay ini sang tatlo ka oras.
Yari naman ang mga high-powered firearms nga narekober sa nagluntad nga engkwentro:
(6) M16 Rifle
(2) M14 Rifle
(1) M4 Rifle
(1) M60
(1) KG9
(2) Improvised Explosive Device (IED)
(1) IED wire
(6) M14 magazine with ammunition
(2) back packs
