Nagaplano ang Natural Resources Development Corporation ukon NRDC, ang corporate arm sang Department of Environment and Natural Resources ukon DENR, nga mag-engganyo sang P30 bilyon nga private investments para sa rehabilitation sang mga naguba kag nakalbo nga forestlands sa Pilipinas.
Suno sa ahensya, may yara sang 16 milyones ka ektarya nga forestlands sa pungsod, apang, 7 milyones ka ektarya na lang ang may nabilin nga madamo sang kakahuyan.
Paagi sa programa nga Integrated Natural Resources Estates, magahatag ang gobyerno sang long-term leases nga 25 ka tuig kag mahimo pa mapalawig sang dugang nga 25 ka tuig, samtang ang private investors ang magahatag sang kapital para sa proyekto.
Pahayag pa, lakip sa mga tanom nga pagatutukan amo ang cacao, coffee, bamboo, coconut, ube kag avocado, nga pagatanman upod ang mga local farmers kag mga komunidad.
Dugang pa sang ahensya, makig-angot man ang ahensya sa mga universities kag academic institutions agud masiguro nga scientific research ang basehan sa pagpili sang mga tanom kag pagdumala sang duta.
