Ginkondenar sang National Security Council (NSC) ang paglunsyar sang China sang Long March 12 rocket nga nasaksihan sa syudad sang Puerto Princesa, Palawan sang Lunes, Hulyo 4.
Suno kay NSC Adviser Eduardo Año, apisar pa nga wala sang narekord nga nasamaran ukon halit sa lugar, ginpahayag niya nga ang nagkalahulog nga debris halin sa rocket mahimo magtuga sang peligro sa land areas kag sa mga barko, mga eroplano, fishing boats kag sa iban nga vessels kag iban pa nga sakayan nga naga-agi sa lugar padulong sa gindistino nga drop zone.
Ginkumpirmar sang Philippine Space Agency kag Philippine Coast Guard nga ang nakita nga aso kag nabatian nga mabaskog nga pagsigabong sa Palawan ang may kahilabtanan sa rocket launch sang China.
Ginpanugyanan sang mga otoridad ang publiko nga mangin mabinantayon kag i-report gilayon sa mga ahensya sang gobyerno ang anuman nga makit-an nga posible debris.
Ginpahanumdom man ang tanan nga likawan ang pagpangkuha ukon pagpalapit sa mga ini bangud posible ini naga-unod sang toxic fuel residues.
