Nagmandu ang National Telecommunications Commission (NTC) sa mga nagapanguna nga telecommunication networks sa pungsod nga paandaman ang ila mga subscribers batok sa mga scam messages nga nagatanyag sang peke nga mga trabaho.
Sa ginpagwa nga memo sang NTC, ginhingyo man sa mga kumpaniya nga magsumite sang ila compliance report sa Office of the Commissioner on or before December 14.
Una diri, ginbuyagyag ni National Privacy Commission (NPC) commissioner Mon Liboro nga may yara sang “organized global syndicate” nga naga-operate sa likod sang pag-data sang scam text messages.
Subong nga adlaw sang Myerkules, makigsapol man si Liboro sa telco networks agud diskusyunan ang amo nga isyu.
Una naman nga nag-apelar si Senator Joel Villanueva sa NPC kag NTC nga tapnaon na ini nga schemes, bangud nagakaintuan ang ila nga mga subscribers nga nagahatag man sang ila nga personal data.
