Iloilo – Nagpahanumdom ang National Telecommunications Commission Region 6 sa mga simcard users nga magparehistro antes ang deadline sa Abril 26, 2023.
Nahibaluan nga 40 million sa kabugusan nga 168 million ka mga simcard users sa pungsod ang nakaparehistro na.
Sa interview sa Bombo Radyo kay Atty. Deo Virgil Tan,legal officer sang National Telecommunications Commission Region 6, iya ginpahayag nga sa Western Visayas, may ginpatigayon nga facilitated SIM card registration sa mga remote areas.
Suno kay Tan, nag-umpisa ang opisina sa pagbisita sa Carles, Iloilo sang Enero 27.
Diri na kag natigayon nga maparehistro ang 9, 415 ka mga indibidwal nagikan sa 14 ka mga banwa sa Western Visayas.
Nagpanugyan naman si Tan sa mga simcard users nga magparehistro bangud autaomtic nga ma-deactivate ang Subscriber Identity Module sa tion nga wala ini narehistro.
