POTOTAN, ILOILO – Usisaon sang National Telecommunications Commission ang reklamo sang mga pumuluyo tuhoy sa signal jamming device nga gin-install sa Iloilo District Jail sa Brgy. Nanga, Pototan, Iloilo.
Sa interview sang Bombo Radyo kay Jail Inspector Richard Servano, jail warden sang Iloilo District Jail, iya ginpahayag nga nagsulat na siya sa National Telecommunications Commission tuhoy sa ginareklamo nga epekto sang signal jamming device.
Suno kay Servano, ang signal jamming device ang gin-install para nga wala sang may makalusot nga kontrabando kag matapna ang illegal drug transaction sa sulod sang jail facility.
Ginpahayag ni Servano nga kwestyonable ang reklamo sang mga pumuluyo nga naga-istar malapit sa jail facility nga wala sang signal sa ila lugar.
Kun tani suno sa natungdan, ang pili lang nga area sa sulod sang jail facility ang sakop sang signal jamming.
