ILOILO CITY – Gin-athag sang National Task Force nga duha pa lang ka lugar sa Western Visayas ang may moratorium sa pagbaton sang Locally Stranded Individuals.
Santo sa National Task Force, ang Roxas City kag Bacolod City pa lang ang nagdumili sang in-bound travel bangud sa mataas nga kaso sang COVID-19 kag sa kakulang sang quarantine facility.
Ang nasambit nga pahayag ang baliskad naman sa Resolution no. 69 nga ginpaguwa sang National Inter-Agency Task Force kun sa diin nakasaad nga ang bug-os nga Western Visayas, Lanao del Sur kag Iligan City ang naghingyo sang moratorium nga gin-aprobahan naman sang National Chief Implementer Against COVID-19.
Ang nasambit nga resolusyon ang gin-aprobahan kadungan sang 69th Inter-Agency Task Force Meeting nga ginpatigayon sang Setyembre 7 kag pirmado ni Cabinet Secretary Karlo Alexei Nograles nga nagaserbe nga IATF co-chairman.
