Nagapanguna ang Nueva Valencia sa probinsya sang Guimaras sa may pinakamataas nga active COVID-19 cases as of September 10.
May yara ini sang 109 ka mga kaso sang virus.
Ginsundan ini sang Buenavista, Guimaras nga may 85, San Lorenzo nga may 73, Jordan nga may 52 kag Sibunag nga may 22.
Sa interview sang Bombo Radyo kay Punong Barangay Boyet Monreal sang Hoskyn, Jordan, iya ginpahayag nga pila sa iya mga pumuluyo ang nahadlok nga magpa-check up bangud nagakahangawa nga magpositibo sa COVID-19 kun ipa-idalom sila sa swab test.
Suno kay Monreal, gina-abisuhan niya ang iya mga residente nga indi lang anay magguwa sa ila mga balay kun indi kinahanglanon ilabi na kun ginatrangkaso agud nga indi man malatnan ang iban.
Kahapon, duha ang nagdugang sa kaso sang COVID-19 sa nasambit nga barangay.
