Nangin kabahin na sang electoral politics kag kasaysayan sa Pilipinas ang nuisance candidates.
Kada election season, lauman nga indi tanan nga nag-file sang certificates of candidacy (COCs) ang pahanugutan sang Commission on Elections (Comelec) nga maka-proceed sa pagpangampanya.
Sa interview sang Bombo Radyo kay Atty. Joenar Pueblo, Constitutional Law Professor, iya ginpahayag nga ang isa ka personalidad ukon grupo ang mahimo gid nga maka-file sang petition nga magadeklara sa isa ka kandidato nga “nuisance candidate” ini.
Sa idalom sang Omnibus Election Code, madeklara nga “nuisance candidate” kun ang kandidato nagatuga sang “confusion” sa mga botante pinaagi sa pagkapareho sini sang pangalan sa mga registered candidates; kun ang pag-file sini sang COC ang may yara sang katuyuan nga himuon nga kaladlawan ang election process ukon wala ini sang bona fide intention nga magpadalagan sa isa ka posisyon.
Kun gindeklara naman nga nuisance candidate sadto ang isa ka persona, mahimo siya sa gihapon nga maka-file sang iya nga COCs subong suno sa Comelec para sa May 2022 elections.
Sang Agosto, gin-aprubahan unanimously sang Kamara sa final reading ang House Bill 9557 nga nagaduso sang mas mabug-at nga multa batuk sa nuisance candidate.
Sa idalom sang hagna, may yara sang gahom ang Comelec nga maka-impose sang multa sang indi magnubo sa P100,000 sa nuisance candidate kag iban pa nga persona nga ginpangalanan sa verified petition.
