ILOILO CITY– Nagnubo ang numero sang mga Badjao sa syudad sang Iloilo.
Sa interview sang Bombo Radyo kay executive assistant to the mayor Hector Alejano, iya ginpahayag nga yara nalang sa 12 tubtob 15 ang numero sang mga Badjao sa syudad.
Suno kay Alejano, sang una, masobra 100 ang mga badjao, apang amat-amat man nga nagnubo ang ila numero.
Indi naman nila suno sa iya mahibaluan, kun sa diin nagkaladto ang mga badjao.
Ginpare-schedule naman suno sa iya ang plano nga pagdul-ong sa mga ini sa ila tagsa ka lugar gamit ang C130 nga eroplano snag gobyerno.
May pila man ka mga Badjao suno sa iya, ang nagarenta sang boarding house kag ginapahayag may mga palangabuhi-an.
Padayun naman suno sa natungdan, ang ila monitoring sa mga Badjao, bangud nagahilapit na ang Christmas kag Dinagyang.
