Naglapaw na sa 10 million ang kaso sang Coronavirus Disease 2019 (COVID-19) sa bilog nga kalibutan.
Sa pinaka-ulihe nga numero, naglab-ot na sa 10,179,994 ang kabug-osan nga kaso.
May yara naman sang 502,957 nga numero sang napatay sa virus kag 5,513,628 ang naka recover.
Suno sa World Health Organization, ang pinakamadamo nga kaso sang COVID-19 nga na rekord ang gikan sa North America, Latin America kag Europa nga may 25% nga kaso samtang may yara naman sang 11% halin sa Asya kag 9% sa Middle East.
Nahibaluan nga ang una nga kaso sang COVID-19 ang ginkumpirma sang Enero 10 sa Wuhan China antes pa man nagtimbuok ang numero sang infected sa Europa, Estados Unidos kag Russia.
