ILOILO CITY– Padayun nga nagadugang ang numero sang mga evacuees nga nagapadulong sa Barrio Obrero Elementary School bangud sa naga-usbong nga baho tuga sang oil spill nga nagluntad sa Zone 3 Barrio Obrero, Lapuz, Iloilo City.
Sa interview sang Bombo Radyo kay Marry Ann Jaime, Incharge sang City Social Welfare and Development Office La Paz District, iya ginpahayag nga padayun pa nga nagadugang ang numero sang mga naga-ilinabot nga mga pumuluyo.
Suno kay Jaime, santo sa ila datos nagdangat na sa masobra 120 ka pamilya ukon 421 ka mga indibidwal ang nag-evacuate.
Pahayag pa niya sa nasambit nga numero, 16 ang mga lapsag, 194 ang mga kabataan, 182 ang mga tigulang, 26 ka mga senior citizens, kag tatlo ka mga persons with disabilities.
Padayun man suno sa iya nga nga naga-abot ang bulig nga ginahatag sa mga pumuluyo kaangay sang foodpacks, hiligdaan, facemasks, reliefs goods kag bastante man ang ginasuplay nga tubig agud magamit sang mga pumuluyo.
Dugang pa sang natungdan, strikto man ang ginpatuman nga physical distancing, bilang kabahin man sa gihapon sang pagpakigbato sa Coronavirus Disease 2019.
