SPAIN– Padayun nga nagasaka ang numero sang mga infected sang Coronavirus Disease 2019 (COVID-19) sa Spain.
Nagdangat na sa 72,248 ang kaso sang nasambit nga virus sa Spain sa diin 6,529 ang panibag-o nga kaso kag 5,812 na ang nagkalamatay.
Suno kay Health Emergency Chief Fernando Simon, makita nga amat-amat na nga nagadangat sa peak ang virus sa pila ka bahin sang Espanya apang ang ginaproblemahan nila amo ang kakulang sang hiligdaan sa intensive care units.
Nahibaluan nga ginhimo bilang temporaryo nga morge ang ice rink sa Spain kag sa masunod nga inadlaw, masulod na sa tatlo ka semana nga napaidalom sa lockdown ang nasambit nga pungsod.
