Naglab-ot na sa 2,538 ang na-record nga mga aksidente sa dalanon sa probinsya sang Iloilo humalin Enero 1 tubtob Hulyo 13, subong nga tuig suno sa Iloilo Police Provincial Office (IPPO).
Sa interview sang Bombo Radyo kay Police Major Rolando Araรฑo, spokesperson sang IPPO, iya ginpahayag nga nagapanguna diri nga rason amo ang reckless driving kung sa diin ang iban diri naga-overspeed kag nagapang-agaw sang linya.
Iban diri amo ang heavy traffic kung sa diin isa ka rason nga malapit ang distansya sang kada salakyan, driver’s error, nakainom sang makahulubog nga ilimnon, mechanical defects, guba nga mga dalan kag madulom nga mga alagyan.
Suno kay Araรฑo, sa amo nga data, 1,597 diri ang nagresulta sa pagpasaka sang kaso nga damage to property, 864 ang physical injury kag 77 naman ang homicide.
Kung ikumpara sang nagligad nga tuig, nagsaka ini sang 61 ka mga kaso nga naghalin sa 2,477 nga na-record sa amo man nga tion.
