Ginbuyagyag ni Ex-Officio Board Member Amalia Debuque, Presidente sang Liga sang mga Barangay sa Iloilo Province, nga medyo nagnubo ang numero sang mga barangay nga nakabaton sang Seal of Good Local Governance.
Sa interview sang Bombo Radyo, ginpahayag ni Debuque nga ang pagnubo sang kwalipikado nga mga barangay nagakahulugan sang pagnubo man sang mga indicators nga ginabasehan sang Department of the Interior and Local Government.
Ginpabutyag niya nga iya pa ini usisahn kun ano ang rason sang pagnubo, kag ginpahanumdom nga ang tuig 2024 ang katapusan nga paghiwat sang Seal of Good Local Governance for Barangay ukon SGLGB suno sa mandu ni Secretary Jonvic Remulla bangud sa kabug-at sang workloads.
Gintudlo ni Debuque nga dapat tutukan sang mga barangay ang performance indicators agud mapabaskug ang lokal nga pamunoan kag serbisyo sa komunidad.
