Naglab-ot na sa 140 ang numero sang mga biktima sang palupok sa sini nga holiday season.
Base sa monitoring sang Department of Health (DOH) halin 62 ka sentinel hospitals, nagdugang sang 8 ka bag-o nga kaso sang mga nasamaran tungod sa palupok.
Suno sa ahensya, 95 sa mga biktima ang naga-edad 19 anyos panubo.
Pinakamadamo sa mga nasamaran ang resulta sang paggamit sang palupok nga 5-star, boga, kag iban pa nga peke nga sahi sang palupok.
Ang narekord nga kaso sang firecracker-related injuries subong nga tuig 23% nga mas manubo kumpara sa 182 ka kaso sang tuig 2024.
Gina-abisuhan liwat sang DOH ang publiko nga dal-on gilayon sa ospital ang biktima sang palupok ukon magtawag sa National Emergency Hotline 911 para sa emergency medical assistance.
