MAASIN, ILOILO – Amat-amat na nga nabuhinan ang naga-tinir sa mga quarantine facility sa banwa sang Maasin, Iloilo.
Sa interview sang Bombo Radyo kay Mayor Francis Amboy, iya ginpahayag nga sa subong, 17 na lang ang nagatinir sa mga quarantine facility indi kaangay sang nakaligad nga binulan.
Suno kay Amboy, magluwas sa istrikto nga pagpatuman ang minimum health protocol, temporaryo anay nga gindumili-an ang mga pangayaw nga makapadulong sa banwa sang Maasin ilabi na ang mga nagabolante sa merkado.
Ginpahayag ni Amboy nga wala sang nangin problema bangud sa kooperasyon sang tanan kag nagalaum nga ini ang mapadayon.
Sa subong nga may pandemya, ginpahayag sang alkalde nga disiplina ang labi nga ginakinahanglan.
