Wala na nadugangan ang numero sang mga napatay bangud sa COVID-19 sa Western Visayas.
Base sa case bulletin sang Department of Health, may yara na sang 766 reported deaths ang rehiyon 6.
Apisar sini, 51 naman ang nagdugang sa mga nag-ayo sa diin 24,294 na ang kabug-usan nga numero sang mga pasyente nga naka recover.
Samtang ang COVID-19 cases sa Western Visayas ang naglab-ot na sa 26,592 matapos nadugangan ini sang 146 ka mga panibag-o nga kaso.
Sa panibag-o nga kaso, ang Aklan ang nadugangan sang 21 ka kaso, Iloilo Province nga may 61; Bacolod City nga may 11; Capiz nga may isa, Guimaras nga may pito kag Iloilo City nga may 45 ka kaso sang COVID-19.
Apang ang total active cases na lang sa rehiyon 6 ang yara sa 1,526.
Kun pahat-pahaton ang kaso sang COVID-19 sa tagsa ka mga probinsya kag syudad sa Western Visayas;
Aklan – 1,079
Antique – 120
Capiz – 1,316
Guimaras – 363
Iloilo – 5,058
Negros Occidental – 7,084
Bacolod City – 5,912
Iloilo City – 5,660
