Nadugangan sang 43 ang kaso sang COVID-19 sa Western Visayas.
Sa subong, may yara na sang 26,734 nga kabug-usan nga numero sang COVID-19 cases sa rehiyon 6.
Sa sini nga numero, 1,576 diri ang makabig nga active cases.
Ang Bacolod City ang may pito ka mga panibag-o nga kaso; 16 sa Negros Occidental; duha sa Aklan; isa sa Capiz; pito sa Iloilo Province; kag 10 naman sa Iloilo City.
Samtang tatlo naman ka pasyente ang ginbawian sang kabuhi sa diin 773 na ang total reported deaths.
Ang mga nag-ayo naman sa balatian ang yara na sa 24,379 matapos nadugangan sang 52 ka mga naka-recover.
Kun pahat-pahaton ang mga kaso sang COVID-19 sa tagsa ka probinsya kag syudad sa Western Visayas;
Aklan – 1,083
Antique – 120
Capiz – 1,318
Guimaras – 362
Iloilo – 5,096
Negros Occ. – 7,141
Bacolod City – 5,926 kag;
Iloilo City – 5,688
