Naglab-ot na sa 80 ka mga tawo ang napatay matapos ang malala nga flash flood nga nagluntad sa central Texas, suno sa mga opisyal.
Lakip sa mga napatay amo ang 28 ka kabataan sa Kerr County.
11 ka babayi kag isa ka camp counselor naman ang padayon nga ginapangita halin sa Camp Mystic.
Suno kay Governor Greg Abbott, nagapadayon gihapon ang baha kag may posibilidad pa sang dugang nga pag-ulan sa madamo nga bahin sang estado.
Ginapangabay sang mga otoridad nga mag-evacuate ang mga pumuluyo sang Hunt, isa ka komunidad sa Kerr County, pakadto sa mas mataas nga lugar bangud sang posible nga pagbaha liwat.
Nagapadayon man ang search and rescue operations apisar pa nga ginakabig sang mga otoridad nga mabudlay na ang posibilidad nga may mga buhi pa nga maluwas.
Sa pihak sang krisis, ginpasangkad na ang pungsodnon nga bulig matapos pirmahan ni President Donald Trump ang major disaster declaration para sa Texas.
Gin-activate man ang Federal Emergency Management Agency (FEMA) agud magbulig sa mga apektado sang kalamidad.
