Naglab-ot na sa malapit 800 ang numero sang mga napatay bangud sa flashflood nga natabo sa border sang Nepal kag China.
Suno sa disaster authority sang Nepal, masobra 2, 500 ka tawo ang padayon pa nga ginapangita samtang nagapadayon naman ang search and rescue operations sa ikalima nga adlaw sini matapos ang kalamidad.
Nahibaluan nga natabo ang amo nga flashflood kag mudslide sadtong adlaw sang Miyerkules, Agusto 26 nga nagdala sang dako nga pagkaguba sa komunidad sang Himalayan region.
Samtang, base naman sa gin-report sang state media sang China naglab-ot na sa 16 ka tawo ang napatay, samtang, 546 naman ang nadula sa Tibet.
Bangud sini nagalab-ot na sa 797 ang kabilugan nga napatay samtang may misyon pa.
Padayon naman ang pagpangita sang rescue team sa mga indibidwal nga natabunan sang lupa.
