Nagsaka na sa 159 ka mga indibidwal ang napatay sa nagluntad nga sunog sa high-rise towers sa Wang Fuk Court, Hong Kong.
Suno sa mga otoridad, lakip sa bag-o nila nga na-recover nga mga bangkay amo ang isa ka lapsag kag isa ka 97-anyos nga tigulang.
Sa kabug-usan nga 159 nga napatay, 140 palang ang na-identify nga ginalakipan sang 91 ka babayi kag 49 ka lalaki.
Sa padayon nga imbestigasyon, 21 ka mga suspek ang naaresto sang mga otoridad bangud sa posible nga kahilabtanan sang mga ini sa natabo nga insidente.
Ginmaduan man sang Chief Executive sang syudad nga si John Lee ang masunod nga hugot nga pag-imbestigar sa gintunaan sang sunog, lakip na ang pag-usisa sa ginahimo nga building renovations nga ginapatihan nga isa sa naghatag sang dako nga kontribusyon sa paglapta sang kalayo.
