Nagsarurot sa 46% ang porsyento sang mga Pilipino nga malipayon sa ila nga lovelife.
Sandig ini sa survey nga gin-conduct sang Social Weather Stations (SWS) sang Nobyembre 24-30, 2025 kag gin-release ang resulta antes ang Valentine’s Day subong nga tuig.
Ini nga figure ang pinakamanubo nga SWS data sa sulod sang masobra duha ka dekada halin sang una ini nga na-record sang 2004.
Sa amo man nga survey, 40% ang nagasiling nga nagapati sila nga mahimo sila mangin mas malipayon pa sangsa ila love life subong.
Ang nabilin naman nga 14% ang nagpahayag nga wala sila sang love life.
As of November 2025, ang may pinakamataas nga nalipay sa ila love life amo ang kasado nga mga babaye nga may 57%; ginasundan sang kasado nga mga lalaki nga may 55 percent; mga lalaki nga may live-in partners nga yara sa 50 percent kag mga babaye nga may live-in partners nga yara sa 45 percent.
Sa mga babaye nga respondents, 22% ang nagsiling nga wala sila sang bana ukon partner subong nga tuig, mas manubo sang 2% sa 2024 SWS survey.
Sa pihak nga bahin, 28% naman sang mga lalaki ang nag-report nga wala sila sang love life.
Ini nga Fourth Quarter 2025 Social Weather Survey ang gin-conduct paagi sa face-to-face interviews sa 1,200 adults nga may sampling margin of error nga ±3 percent sa national percentages kag ±6 percent sa Metro Manila, Luzon sa guwa sang Metro Manila, Visayas, kag Mindanao.
