Nagnubo sa masobra 2 million ang numero sang mga unemployed ukon wala sang trabaho nga mga Pilipino sa bulan sang Enero base sa data sang Philippine Statistics Authority (PSA).
Suno kay PSA chief kag National Statistician Claire Dennis Mapa, ang numero sang mga unemployed adults, ukon mga naga-edad sang 15 anyos pasaka ang nagdangat sa 2.93 million sang Enero subong nga tuig.
Base sa amo nga numero, ang unemployment rate sang pungsod ang yara subong sa 6.4%.
Ini ang mas manubo sa 6.6% unemployment rate nga narekord sang Disyembre 2021.
Kapin 340,000 naman ang nakakas sa 3.27 million nga mga unemployed nga narekord sang Disyembre sang nagligad nga tuig.
